GAUEKO ILUNA
Gaueko
iluna arintzen doa,
argituz
dator eguna;
adore
berriz otoi dezagun
Jainko
ahalguztiduna.
Jauna,
errukiz gaitzak kendurik,
eman
iguzu osasun;
Aita
zaranez, lagun gaitzazu
zerua
lortu dezagun.
Iguzu
hori, Jainko onbera,
Aita,
Seme, Gogo Deuna,
mundu
guztian aitormen eta
gorespen
hartzen duzuna,
Amen.
IGANDEAN
Igandean
du / sortarazia
Jaun zerukoak / argia.
Igandean du / maitez egina
munduko lehen- / eguna.
Denek batean / eskerrak eman
zeruan eta / lurrean.
Igandean
du / Kristok hasia
piztu-beharren / Bizia.
«Zuei bake! / Zuekin nago,
munduak mundu / dirauno».
Igandean
du / bildu nahia
Jaunak fededun- / herria.
Lanak utz: jaiki! / Heldu da, hona,
Kristo Jaunaren / eguna.
Egin
gaituen / Aitari aintza!
Kristo Jaunari / bihotza!
Bien Gogoak / gerabiltzala
Jainkoak nahi / bezala.
AITA ETA SEME
Aita
eta Seme
eta
Espiritu / Santuari esker,
gaua dugu uzten
eta egun-senti / argitsu bat hasten;
bizia bezainbat
bizierazle den / argi berriari
agur ta goraintzi / diogu esaten.
Zure
eskuak sua
inguratu dio / ludi ilunari,
gauzen aurpegia
pozez bete duzu / zure agerraldiz;
hemen dugu goiza
zure ezpainetako / mintzo bat bailitzan,
hemen itsasoa / zure ahoko hitz.
Badator
gizona
loaren altzotik / adimen argira,
badoa lanera;
goizik dastatu du / oinaze mingaitza;
baina iluntzean,
Zuk eman-lur ura / gertatuko zaio
ogiz aberatsa, / izerdiz garratza.
Eta Zu, Jaungoiko,
pozik zaude haren / neke eta lanez
giza-eskuetan
zure esku ahaltsua / bait duzu luzatzen;
ta bete-betean
hor ari zerate / hura eta biok
sorkuntza-lanetan / eta gauzak zaintzen.
Bai ederra goiza,
iluna urratuz / irixten bait zaigu
Zu ospe haunditan
zatozela dion / berri pozgarria;
harrigarri bait du
egunak aitortzen, / argia lekuko,
hutsik dela, hutsik, / Kristoren hobia.
ARGIAREN LEHEN XIRRINTA
Argiaren lehen xirrinta
Zuregandik sortu bait da,
denak, Jauna, gaiten bil eta
zure aintza daigun kanta.
Zuk emanik dugu bizia,
Zuk emanik eguzkia.
Kantuz jaiki, mundu guztia;
Jauna-baitan pozkaria.
Lurpetik da Kristo jaikia,
altxaturik hilarria.
Hura lagun, gaiten abia
moldatzean Lur Berria.
Maitasuna
dugun Aitari
denak etor gaur kantari;
goazen gero Kristo iduri,
emanez gar munduari.
